قالوا علينا شباب فيسبوك
قالوا بنهزر قالوا نيولوك
قالوا علينا كتير حوارات
مبنعرفش نخوض ثورات
ميعرفوش إن أحنا كبار
وان أحنا ننفع ثوار
حررنا بلدنا تحرير
من الفساد ومن التدمير
كل الشعب بقا فرحان
بيقولوا علينا فرسان
هما فضل صوتهم مكبوت
مش عارفين يطلعوا صوت
وصلنا صوتهم للعالم
كل العالم بقا مبسوط
من شباب مصر المعهود
خلينا الناس فرحت بينا
وبقت تتباهى بخطوينا
وكمان لما نروح في مكان
بيقولوا علينا جدعان
مش بس الثورة يا مصريين
ده كمان نضفنا الميادين
بفرح لما بشوف انسان
بيقولى ربنا يحميكو
كفايا دعوات العالم
واحنا اهو شباب الفيسبوك
خلينا مصر بنيولوك
لكن نيولوك جميل
خلى الشعب كله يطير
لأنه خلى من التدمير
واكيد اللى جاى كله بديع
ومصر هتبقى فوق الجميع
وخلى بالكم برضه اكيد
لسه فى طلبات بتزيد
لكن طلبتنا مشروعه
ما فيهاش اى حاجه ممنوعه
كل اللى احنا قولنا عليه
عايزين بس حقوقنا يا بيه
اتمنى ان تعجبكم كلماتى
ولكم منى خالص تحياتى
Amera Elsheref
تسلم الايادى يا ميرو ... بجد رائعة ... قمة الروعة... من ميرو المصرية ... صاحبة الحماس والوطنية ... حُب مصر بروحك غالى وكلماتك وضحت حبك الغالى ... وكلنا بنحبها ... بس انتى امسكتى القلم وبريشتك الذهبية عبرتى عنا جميعا ... سلمت يداكى ... ودمتى بكل خير ... ولكى عاطر تحياتى
ردحذف